Derilia Joseph

Derilia Joseph, ke anpil moun ki renmenl te konnenl sou non “Iya” pou kèk epi “Tant Man Faus” pou lòt yo. Li mouri trankilman lakay li nan dat ki te 9 Fevriye 2026, antoure pa fanmi l ki renmen li anpil, apre yon long maladi ke li te konbat avèk kouraj.

Derila te fèt Anse-A-Foleur, Ayiti le 3 me 1934. Li te leve avèk manman li, Claire Predelus, ak papa li, Delama Joseph, ansanm ak kat frè ak sè li yo, Anaide, Lidia, Desima, ak Clairesilia.

Derilia te marye avek lot mwatye li, Faustin Saint Louis nan lane 1953. Ansanm yo bati yon lavi ki chaje ak lanmou, jantiyès, ak kominote. Derilia te yon manman devwe pou twa pitit fi li yo, Yve-Rose, Fania, ak Madilia. Li te yon granmè ki te fyè pou sis pitit pitit li yo, Richard, Bradley, Carlos, Kervin, Jonathan, ak Marjorie.

Anplis, nou voye kondoleyans pou bòfrè li: Leclair; Kouzen ak kouzin li yo: Abner, Yolene, Georgette, Son, Ernest, Leonce, ak Matirin; nyès ak neve li yo: Claudius ak madanm li, Wally ak madanm li (Yolene), Jean Claude, Marie L. Volmy, Silvanette, Luby, Anrillio, Limond, Edy, Vany, Lucita, Soul, Dieujuste, TiDelamar, Theomene, Dejackma, Eglanna, Medius, Idamante, Alcita, ak Anaida.

Derilia te kite Ayiti poul te ale Bahamas an 1980, epi antre Etazini an 1994. Li te yon komèsan. Li te kwe nan travay di pou edike e pran swen pitit li yo.Anplis fanmi li, Derilia te gen konpasyon e renmen moun nan antouraj li anpil.Li te gen yon talan pou fè tout moun santi yo gen valè. Souri sou lev li te ka klere menm jou ki pi fènwa yo.

Eritaj Derilia a se yon eritaj ranpli ak konpasyon, jenerozite, ak lanmou san fen. Tout moun ki te konnen li ap sonje li anpil, men lespri li ak zèv li yo ap rete vivan nan kè mari li, pitit li yo ak pitit li yo e ak tout lot moun ki renmenl.