Jean Merinor Debreus

Comme disait Malherbe dans la consolation a Mr. Duperier “ La mort a des rigueurs a nulle autre pareilles. On a beau la prier, la cruelle qu’elle est se bouche les oreilles et nous laisse crier”.

Jean-Merinor Debreus, (Mounou) pou moun ki pi proch li yo. Li te 3 janvye 1938, nan 7em seksyon komin Jan-Rabel lokalite “Bengo”. Manman l se te Sara Lordeus e Papa-l se te Merilus Duvra. Li grandi nan yon fanmi-y de 14 pitit, li se 7em lan. Nan epok sa a tan an pat tro evolye sa koz li pat gen yon edikasyon akademik eleve. Men sa pat anpeche l te yon filozof nan pa-l la. Papa nou se te yon kiltivate e li te konn fe elevaj tou. Nan zon li yo te konsidere l kom yon gran don paske l te yon gran travaye. Tout lavi papa nou te aksantye sou “Linyon ak Lanmou”. Tre jenn, swa an 1961, li te rankontre ak madanm li ki se “ Simone Faugues”. Yo te pase 6 zan renmen e yo te rive marye le 8 juin 1967 pou rive 8 Aout 2024, jou li te rann denye sou pi-l. Men sa pat anpeche l viv an konkibinaj ak Madam Selanie Herard. Papa nou bay nesans ak 8 pitit ki se : Aline Debreus, Chacun Debreus, Bernard Debreus, Abanes Debreus, Jiselle Debreus (ki malerezman desede), Lanaise Debreus, Blaise Debreus e Erode Debreus.

Papa nou etanke yon moun ki te toujou we lwen e byennet pou pitit li. En 1979 li te kite ayiti pou la-l chache lavi miyo Nasseau Bahamas, kote li te pase anviron 7 lane. An 1986 toujou nan menm lide pou l kontinye cheche yon vi ki pi miyo, li te deside abandone tout sa l te posede Bahamas pou l te rantre Etazini kote li te pase tout res vi-l. Objektif papa-n se te we tout pitit li rive nan yon nivo akademik eleve. Li te toujou nouri lespri yon jou pou tout pitit li avek li isit e sa tef et jan l te swete a eksepte se nou Jiselle ke kous lavi li te gentan temine.

Papa nou toujou di fe byen tout tan w kapab .

Jean-Merinor Debreus ke tout moun konnen sou non “Mounou” se moun tout moun. Papa nou telman te gen bon Ke li pat konn vle we moun ap fe menm bet sa ki mal.

Papa-m toujou ap di konesans se riches. Papa-n se te yon konseye, yon bon papa e yon papa responsab. Papa nou fe tout sa yon papa rich te ka fe pou pitit li.

- Papa nou toujou di n pa janm konte sou moun paske vale w se nan ou li ye.

- Papa n se te yon filozof nan Pratik lavi a. Tout lavi papa-n li te toujou ap preche linyon ak lanmou. Si yon  pitit papa-m rayi moun oubyen ap viv nan dezinyon se pa papa-n ki aprann li sa. Se sak fe pa gen anyen ki ka ranplase vid sa a nan nou.

- Apre 14 lane papa-n fe ap soufri anba yon maladi ke-l te sipote avek anpil kouraj, li pat janm dekouraje andepi tout soufrans li. Depi w bo kote l lap fe w souri. Se pou sa jodi a nap selebre lavi gran om sa a ki devanse nou.