Marie S. Tertulien-Camelus

Madame Jean Parla Camelus,Non jèn fi li se Marie Suzanne Tertulien li se 7ème Pitit Cinéas Tertulien e Syltane Joseph. Li fèt 14 Septembre 1973 Croix-des-bouquets, Li Marye 5 Avril 1997, E li se Manman 3 Pitit Plus yon Pitit Pitit: 1er Estephanie Camelus 2ème Marie Palenne Camelus 3ème Kevin Camelus Plus yon Pitit Pitit Non li se Jardane Joldy Mitchell.
Suzanne se yon Fanm respektyez trè Katolik. nan anfans li Manman l Syltane te rele l Tidon, Grann li rele l Pedonp. Pou sajès li Manman l di l sa se yon don Bondye fè w kado, Paske lè li fè yon bagay yo mete l a jenou li di Papa ou rele Cinéas, Manman ou rele Syltane Pitit ou rele Suzanne epi se fini, Kè yo fè yo mal yo fè l leve. Li te byen viv ak fanmi li ak tout moun e ak tout lot pwochen li yo. Li te fè pati de yon gwoup: Ki rele Tête ensemble, Li te Chèf Tèn gwoup la an Haïti. Kote ankò li te ap dirije yon Koral charismatique ki rele Arche D’alliance an Haïti. Li te yon komèsant Tout sa l te genyen se pou moun manje, lajan, Li te toujou renmen pataje ak frè l ak sè l yo. Apresa li te vinn voyaje USA nan vil Key West florida . Se la li tap viv ak fanmi l e se la li te youn nan manm komite gwoup les enfants de Marie. Aprè kèk Ane la l viv Orlando nan zònn Kissimmee ak fanmi an,Sou yon ane jou ki te 9 février li gen yon mal alèz li antre lopital e sekonsa li desede. Nou menm e tanke fanmi an, nou pap janm bliye Suzanne pou sa l te reprezante pou nou. Suzanne Mari w Pitit ou yo pap janm bliye w, Frè ak Sè yo ou kite yo ak anpil tristès nan lavi yo ou nan men Bondye, tankou Jòb te di: Bondye bay Bondye pran se pou Non l beni ke nanm Suzanne repoze anpè nan de plamen Bondye.